काठमाण्डौ: मुलुकी अपराध संहिता ऐन, २०७४ परिच्छेद -५ ले सजाय र अन्तरिम क्षतिपूर्ति सम्बन्धी व्यवस्था गरेको छ सोही ऐनको दफा ४० मा सजायका प्रकारहरु भनि उल्लेख गरिएको छ । उपदफा १ मा यस ऐनमा उल्लिखित कसूर गरे बापत हुने सजाय निम्न रहेका छन ।
क. जन्म कैद,
ख. कैद,
ग. जरिबाना,
घ. कैद र जरिबाना,
ङ. क्षतिपूर्ति,
च. जरिबाना वा क्षतिपूर्ति नतिरे बापतको कैद,
छ. कैदको सट्टा सामुदायिक सेवा ।
उपदफा २ मा कानूनमा कुनै कसूर बापत सर्वस्वको सजाय हुने रहेछ भने यो ऐन प्रारम्भ भएपछि त्यस्तो कसूरमा सजाय गर्दा सर्वस्व हुने गरी सजाय गरिने छैन ।
उपदफा ३ मा यस दफामा अन्यत्र जुनसुकै कुरा लेखिएको भए तापनि एक रुपैयाँभन्दा कम जरिबाना र एक दिनभन्दा कम कैद हुने गरी सजाय गरिने छैन ।
