काठमाण्डौ: सरकारले १८ वर्षभन्दा कम उमेरका कैदीबन्दीलाई बाल सुधारगृहमा राख्ने भएको छ । गत भादै १ गतेबाट लागू नयाँ ऐनले १८ वर्षभन्दा कम उमेर भएकालाई नाबालक भनि पहिचान गरेपछि उनीहरूलाई सुधारगृहमा सारिने भएको हो ।
मुलुकी अपराधसंहिता ऐन, २०७४ को परिभाषा २ को खण्ड ‘ङ’ ले १८ वर्ष उमेर पूरा नगरेकालाई नाबालक मानेको छ । कानुनतः नाबालकलाई अन्य कैदीबन्दीसरह जेलमा नराखी छुट्टै सुधार गृहमा राख्नुपर्नेछ । कारागार व्यवस्थापन विभागले यस सम्वन्धि आवाश्यक आवाश्यक अभ्यास गरिसकेको र मातहतका निकायलाई समेत निर्देशन दिइसकिएको छ ।
विभागको तथ्णंक अनुसार देशभरिका ७४ जेलमा १६ देखि १८ वर्षसम्मका २९७ कैदीबन्दी रहेका छन । यसअघि मुलुकी ऐनले १६ वर्षभन्दा कम उमेरका भएकालाई नाबालक मानेका कारण १६ वर्ष माथिका पनि अन्य कैदीबन्दीसरह जेलमा राखिदै आएको थियो ।
पछिल्ले समय प्रत्येक प्रदेशमा कम्तीमा एउटा बाल सुधार गृह हुनुपर्ने सरकारको योजना हो । यसैअनुसार सुधार गृह ३ बाट वृद्धि गर्दै ८ पुर्याइएको छ । अब १८ वर्ष सम्मका सवै केदै वन्दीहरुदाई सुधार गृहमा राखिनेछ ।
