• जो अर्कोको धर्म परिवर्तन गराइदिने ‘मिसन’ बोकेर हिँडेको होस्

कृपया तपाईले पोपले शासन गरेको कुरा सुन्नुभएको छ ?  इटाली, बेलायत आदि त्रिश्चियन धर्म–सापेक्ष राष्ट्र होइनन् ? साउदी अरब आदि इस्लाम धर्म–सापेक्ष होइनन् ? जापान आदि बौद्ध धर्म–सापेक्ष छैनन्   ?

सुविद गुरागाईँ साहित्यकार

….
विश्वको एक मात्र हिन्दू धर्म–सापेक्ष राष्ट्रको पहिचान मेटाएर हामी कुन र कस्तो निरपेक्षताको वकालत गरिरहेछौं  ? यसमा म फेरि पनि भन्छु, विश्वमा कुनै पनि समाज, कुनै पनि राज्य धर्म–सापेक्ष हुन्छ । मानव व्यवहार, सभ्यता, धर्म वा अनुशासन, कानुन आदि जे भन्नुस् ती सबै निश्चित समाज, समय र वातावरण–सापेक्ष रूपमा विकसित र परिमार्जित भइरहेका हुन्छन् । दुनियाँमा निरपेक्ष को छ ? के छ ? शून्यमा कुनै अस्तित्व सम्भव छ । शून्य अक्षर हुन पनि एउटा गोलो सरलरेखाको सापेक्षता नभइहुन्न
…
अर्को कुरा, मैले धेरै क्रिश्चियनहरू, धेरै मस्लिम मित्रहरू भेटेको छु, जो अरूलाई प्रेम, विवाह, उपचार, सहयोग, जागिर, जातीय भेदभाव नगर्ने आदि–इत्यादि बहानामा धर्म–परिवर्तन गराइदिन लालयित भएर बजारमा घुमिरहेका छन् । तर, मैले अहिलेसम्म एउटा त्यस्तो हिन्दू देखेको छैन, जो अर्कोको धर्म परिवर्तन गराइदिने ‘मिसन’ बोकेर हिँडेको होस् …

सारमा, यो राष्ट्र हिन्दू धर्मसापेक्ष हुनुपर्छ कि पर्दैन भन्नेमा जनमत–सङ्ग्रह गरौं न !सक्की गो नि, तपाई हामी किन विवाद गरिबस्नु !

मैले जनजीवन पढ्दा बुझेको हिन्दू धर्मको उदारता, सजिलोपन र आफू हिन्दू भएकोमा आनन्द लाग्ने कुरा
१ . तपाई गाईको मासु खानुहोस् वा नखानुहोस् ।
२. तपाई ढुङ्गा पूजा गर्नुहोस् वा नगर्नुहोस् ।
३. तपाई आफूलाई हिन्दू हुँ भन्नुहोस् वा नभन्नुहोस् ।
४. तपाई चर्च, गुम्बा, मन्दिर, गुरुद्वारा आदिमा जानुहोस् वा नजानुहोस् ।
५. तपाई छोरीलाई खुट्टा ढोगाउनुहोस् वा आफू छोरीको खुट्टा ढोग्नुहोस् ।
६. तपाई हिन्दू धर्मलाई समर्थन गर्नुहोस् वा विरोध गर्नुहोस् ।
७. तपाई टुप्पी पाल्नुहोस् वा टुप्पी काट्नुहोस् ।
८. तपाई भगवान् छ भनेर मान्नुहोस् वा छैन भनेर मान्नुहोस् ।
९. तपाई जनै लगाउनुहोस् वा नलगाउनुहोस् ।
१०. तपाई लास गाड्नुहोस् वा डढाउनुहोस् वा पानीमा बगाउनुहोस् ।
११. तपाई एक ईश्वरवादी हुनुहोस् वा अनेक ईश्वरवादी ।
१२. तपाई गीता पढ्नुहोस् वा नपढ्नुहोस् ।
१३. तपाई किताबहरूको ¥याकमा गीतालाई सबैभन्दा माथि राख्नुहोस् वा कुरान, बाइबल, त्रिपिटक आदि किताबले थिचेर राख्नुहोस् ।
१४.तपाई क्रिश्चियनले ‘आमिन वा जय मसी १’ र इस्लामले ‘या अल्लाह १’ भने जस्तो ‘हे ईश्वर १’ भन्नुहोस् वा नभन्नुहोस् ।
१५. तपाई जन्मले हिन्दू हुनुहोस् वा कर्मले हिन्दू हुनुहोस् ।
१६. तपाई हिन्दू भएकोमा गौरव गर्नुहोस् वा नगर्नुहोस् ।
…..

यी सबै अवस्थामा तपाई हिन्दू हो ।