तमेल भएपछि म्यादमा उल्लेखित अवधिभित्र आफै उपस्थित भई वा कानून बमोजिम वारेर राख्न पाउनेमा वारेस मार्फत् आफ्नो भएको व्यहोराको प्रतिवाद गर्नुपर्दछ । आफ्नो काबु बाहिरको परिस्थिति परी तोकिएको म्यादमा प्रतिवाद गर्न नसकिए मुद्दाको प्रकृति अनुसार म्याद थामी प्रतिवाद गर्न पाइन्छ । त्यसरी उपस्थित नभए वादीले पेश गरेको प्रमाणको मात्र मूल्यांकन गरी मुद्दाको एकतर्फी सुनुवाई हुन्छ । यस्तो प्रतिवादीले पुनरावेदन गर्ने अधिकार समेत गुमाउँछ ।
प्रतिउत्तर पत्र दर्ता गर्न रु ५०।– दस्तुर लाग्छ । कोर्ट फि लाग्दैन । प्रतिउत्तर पत्र जिल्ला अदालत नियमावली, २०५२ ले तोकेको ढाँचामा लेखिनु पर्दछ ।
प्रतिउत्तर पत्रमा उल्लेख हुनुपर्ने कुराहरु :
- समाह्वान वा इतलायनामा पाएको मिति,
- म्याद थामी प्रतिउत्तर पत्र दर्ता गर्नुपर्ने भए सोको व्यहोरा,
- फिराद पत्रमा लिइएको दाबी खण्डन गर्नुपर्ने भए सोको तथ्ययुक्त आधार तथा कानून,
- सम्बन्धित प्रमाणको उल्लेख,
- प्रतिउत्तर पत्रमा वादीले पक्रिएको र इन्साफ गर्नुपर्ने कुरामा चाहिने व्यहोरा ।
