– निवेदनपत्र, फिरादपत्र, पुनरावेदनपत्र, दोहोराई पाऊ निवेदन दर्ता हुनासाथ सम्बन्धित पक्षले तारेखमा रही मुद्दाको पुर्पक्ष गर्नुपर्दछ ।
– प्रतिउत्तरमा वा लिखित जवाफ वा लिखित प्रतिवाद दर्ता भएपछि वा विपक्षी हाजिर भएपछि दुवै पक्षलाई तारेख मिलान गरी एकैदिनको तारेख दिइन्छ ।
– थुनामा बस्नु पर्ने बाहेक अरुले मुद्दाको पुर्पक्षको लागि अदालतले तोकेको तारेखमा रहनुपर्ने हुन्छ ।
– तारेख तोकी दिदा के कामको लागि कुन दिन कुन समयमा उपस्थित हुनु पर्ने हो सो व्यहोरा तारेख पर्चामा खुलाइएको हुन्छ ।
– तारेख तोकी लिएपछि तारेख पर्चामा सम्बन्धित कर्मचारीबाट दस्तखत गराई लिनुपर्छ ।
– कुनै दिनको समय उल्लेखगरी तारेख लिएकोमा सो दिनको सोही समयमा उपस्थित हुनुपर्छ ।
– तोकिएको समयमा उपस्थित नभएको कारणले मुद्दामा उक्त दिन गर्नु पर्ने कारबाही गर्न रोकिदैन ।
– आफु ढिलो पुगेकोमा अर्काेपक्षले जुन मिति र समयको तारेख लिई गएको छ, सोही मिति र समयको तारेख लिनु पर्नेछ ।
– तारेखमा हाजिर हुनुपर्ने व्यक्ति कुनै व्यहोराले अन्त थुनामा परि हाजिर हुन नसक्ने अवस्था परे सम्बन्धित अदालतलाई तुरुन्त जानकारी गराउनु पर्छ । यसो गरेमा तारेख गुज्रदैन ।
– थुनामा रहेका व्यक्ति बीचमा छुटेमा भने बाटाका म्याद बाहेक पाच दिनभित्र हाजिर हुन जानुपर्छ ।
–सरकार बादी मुद्दामा धरौटी राखी तारेखमा रहेका व्यक्तिहरुले तारेख गुजारी बसेमा धरौटी जफत हुन्छ ।
– अ.बं. १९४ नं. बमोजिम सुविधा पाई धरौटी वा जमानतमा रहेको बाहेकको अरु मुद्दामा पुनरावेदक वा प्रत्यर्थिले चाहेमा अदालतको अनुमति लिई तारेखमा नबसे पनि हुन्छ ।
–आफ्नो काबु बाहिरको परिस्थिति परि म्याद तारेख गुज्रन गएमा देहाय बमोजिम थमाउन सक्नेछ ।
